திருநல்லூர் திருத்தலம்

திருநல்லூர் திருத்தலத்தில் அருள் பாலிக்கும் 

ஈஸ்வரர் பஞ்சவர்ணேஸ்வரர்.

இது தஞ்சாவூர்மாவட்டத்தில் அமைந்துள் ள து.

இவருக்கு கல்யாண சுந்தரனார், பெரியாண்டேசுவரர்

என்ற திருநாமங்களும் உண்டு.

அம்பிகை ,கிரிசுந்தரி, கல்யாணசுந்தரி, பர்வதசுந்தரி

எனும் திருநாமங்களுடன்அருள்பாலிக்கிறார்.

தேவாரப்பாடல் பெற்ற 

காவிரி தென்கரைத்தலங்களில் இது 20வது தலம்.

 திருவிழா:மகாசிவராத்திரி, மார்கழி திருவாதிரை

தலமரம்- வில்வம்

தீர்த்தம்- சாகர தீர்த்தம்

கோச்செங்கட்சோழன் கட்டிய மாடக் கோவில். 

இறைவன் சந்நிதி மலைமேல் அமைந்துள்ளது.

ஐந்து நிலையுடன்  அழகான ராஜ கோபுரம் உள்ளது. 

கோபுர வாயில் வழியாக உள்ளே நுழந்தால் 

ஒரு விசாலமான இடத்தில்  கவசமிட்ட கொடிமரமும், 

அதற்கு முன்னால் கொடிமர விநாயகரும் உள்ளார். 

இதையடுத்து வடதுபுறம் வசந்த மண்டபமும், 

தென்புறம் அமர்நீதி நாயனார் தராசுத் தட்டில் ஏறி 

அமர்ந்த துலா மண்டபமும் உள்ளன. 

அம்பாள் கிரிசுந்தரி தனி சந்நிதியில் 

தெற்கு நோக்கி காட்சி தருகிறாள். 

அகத்தியர், காசி விஸ்வநாதர், கணநாதர், 

காசி விநாயகர், பாணலிங்கம், விஸ்வநாதர், 

முருகன், நால்வர், குந்திதேவி, தெட்சிணாமூர்த்தி, 

லிங்கோத்பவர், பிரம்மா, துர்க்கை, 

சண்டிகேஸ்வரர், 8 கரங்களுடன் ஆடும்நடராஜர் 

ஆகியோரை மண்டபங்களிலும்,

 பிரகாரத்திலும் தரிசிக்கலாம்.

 அஷ்டபுஜ மாகாளி: 

எட்டு கைகளுடன் கூடிய காளி இங்கு அருள்புரிகிறாள்.

சோமாஸ்கந்த மூர்த்தி:

 இங்கு உள்ள சோமாஸ்கந்த மூர்த்தி 

திருவாரூர் தியாகராஜருக்கு ஈடாக உள்ளது. 

மாசி மகத்தின் போது இவர் கோயிலுக்குள் உலா வருவார். 

மாடக்கோயிலின் படிகள் வழியாக இவர் இறங்கும் போது 

அடியார்கள் வெண்சாமரமும், விசிறியும் வீசுவார்கள். 

ஆனாலும் கூட பெருமாளின் முகத்தில் 

வியர்வை துளிகள் அரும்புவதைக் காணலாம்.

கணநாதர்: 

 மேற்கு கோபுர வாயிலில் மேல்புறம், 

பலிபீட வடிவில் கணநாதர் வீற்றிருக்கிறார். 

இந்த வடிவத்துடன் இத்தலத்திலும், 

காசியிலும் மட்டுமே கணநாதர் வழிபடப்படுகிறார். 

ஆண்டுக்கொருமுறை இரவில் நடக்கும் 

கணநாதர் பூஜை சிறப்பானது. 

அன்றைய தினம் இந்த ஊரிலும், 

பக்கத்து ஊரிலும் உள்ள மக்கள் தங்கள் பசு, 

 ஒரு வேளை கறக்கும் பாலை 

அப்படியே கொடுத்து இப்பூஜையில் கலந்து கொள்கின்றனர்.

 இந்த பூஜையை பக்தர்கள் பார்க்க முடியாது.

தலவிருட்சமான வில்வ மரம் மிகவும் பழமையானது. 

இதை "ஆதிமரம்' என அழைக்கின்றனர். 

63 நாயன்மார்களில் ஒருவரான அமர்நீதி நாயனார் 

தனது மனைவி மற்றும் மகனுடன் 

சிவபெருமானால் ஆட்கொள்ளப்பட்டு 

முக்தி பெற்ற தலம் திருநல்லூர். 

இத்தலத்தில் அமர்நீதி நாயனார், அவர் மனைவி, மகன், 

அருகில் அந்தணர் உருவில் இறைவன் ஆகியோர் 

உருவச் சிலைகள் இருப்பதைக் காணலாம்.

ஒருசமயம் ஆதிசேடனுக்கும் வாயுவுக்கும்

தமக்குள் யார் வலியவர் என்பதில் போட்டி எழுந்தது. 

ஆதிசேடன் கயிலையைத் தன் ஆயிரம் மகுடங்களாலும் 

இறுகப்பற்றிக் கொள்ள, 

வாயுதேவன் சண்டமாருதமாக மலையை 

அசைக்க முற்பட்டு பலத்த காற்றை வீசினார்.

 இந்த இருவரின் போட்டியால் தேவர்கள் அஞ்சினர். 

தேவர்கள் வேண்டுகோளுக்கு இணங்கி 

ஆதிசேடன் தன்பிடியைச் சிறிது தளர்த்தினார். 

இது தான் தக்க சமயமென்றெண்ணி வாயு 

இரு சிகரங்களைப் பெயர்த்துக் கொண்டு வந்து 

தென்னாட்டில் ஒன்றை திருநல்லூரிலும், 

மற்றொன்றை அருகிலுள்ள ஆவூரிலும் விடுவித்தான். 

நல்லூரில் விழுந்த அம்மலைச் சிகரமே

 இறைவன் பஞ்சவர்ணேஸ்வரர் 

எழுந்தருளியுள்ள மலையாகும். 

தென் கயிலாயம் என்று 

இத்தலமும் வழங்கப்படுகின்றது.

இமயமலையில் உமாதேவியை சிவபெருமான் 

திருமணம் செய்யும் காட்சியைக் காண 

உலகத்திலுள்ள அனைத்து 

ஜீவகோடிகளும் திரண்டு சென்றனர்.

 இதனால் வடதிசை பாரத்தால் தாழ்ந்து 

தென்திசை உயர்ந்தது. 

உலகை சமப்படுத்த அகத்தியரை 

தென்திசைக்கு செல்லும்படி சிவபெருமான் பணித்தார். 

தனக்கு திருமண காட்சி காணும் வாய்ப்பு 

இல்லாமல் போய்விட்டதே என்ற அகத்தியரிடம்,

"நீ வேண்டும் போது நான் 

உனக்கு திருமணகாட்சி அருளுகிறேன்'என்றார் சிவன். 

அதன்படி அகத்தியர் சிவனின் 

திருமணக்கோலம் கண்ட பல தலங்களில் 

திருநல்லூர் தலமும் ஒன்றாகும். 

இந்த திருமண கோலத்தை 

மூல லிங்கத்தின் பின்புறம் காணலாம்.

இதைக்கண்டு மகிழ்ந்த அகத்தியர் 

இங்குள்ள சுந்தரலிங்கத்தின் வலதுபுறம் 

மற்றொரு லிங்கத்தை வைத்து 

பூஜித்து பேறுபெற்றார். 

அன்று அவர் தரிசித்த திருமணக்கோலமூர்த்தியை

மூலலிங்கத்தின் பின்புறம் கருவறையில் காணலாம்.

திருஞான சம்பந்தர், திருநாவுக்கரசர்,

சுந்தரர், மாணிக்கவாசகர் 

நம்பியாண்டார் நம்பி, சேக்கிழார்,  

அருணகிரியார், மலைக்கொழுந்து நாவலர், 

ராமலிங்க அடிகள் ஆகியோரால் 

பாடல் பெற்ற பெருமை இத்தலத்திற்கு உண்டு.

 இறைவன் சுயம்பு லிங்கமாக அருள்பாலிக்கிறார். 

இங்குள்ள சிவலிங்கத்தில் ஒரே ஆவுடையாரில் 

இரண்டு பானங்கள் உள்ள அமைப்பை 

தமிழகத்தில் வேறு எங்கும் காண முடியாது என்கிறார்கள். 

இன்றும் இங்குள்ள இறைவன் தினமும்

5 முறை நிறம் மாறி மாறி காட்சி அளிக்கிறார்.

ஆறுநாழிகைக்கு ஒருமுறை 

நிறம்மாறி காட்சி அளிக்கிறார்.

[தாமிர நிறம், இளம் சிவப்பு, 

தங்க நிறம், நவரத்தின பச்சை, 

இன்ன நிறமென கூறமுடியாத தோற்றம்].

ஐந்து வகை நிறத்துடன் இறைவன் 

தோன்றுவதால் `பஞ்சவர்ணேசுவரர்' என்றும், 

அமர்நீதியார், அப்பர் ஆகியோரை 

ஆட்கொண்டமையால் `ஆண்டார்' எனவும், 

அகத்தியருக்கு தன் திருமண கோலத்தை காட்டி 

அருளியமையால் `கல்யாண சுந்தரர்' என்றும், 

மிகுந்த பேரழகுடன் விளங்குவதால் 

`சுந்தரநாதன்', `சவுந்தரநாயகர்' என்றும்

பல்வேறு பெயர்களில் இவர் அழைக்கப்படுகிறார்.

பிருங்கிமுனிவர் வண்டு உருவம் கொண்டு

வணங்கிய தலம்ஆதலால்

மூலவர் திருமேனியில் வண்டு

துளைத்த அடையாளங்கள் இருக்கிறதாம்.

திருமண கோலத்தில் இறைவன் காட்சி அளிப்பதால் 

திருமணத் தடை உள்ளவர்கள்,வந்து 

இங்குள்ள இறைவனையும், இறைவியையும் 

திருமண பாக்கியம் வேண்டி

2 மலர் மாலைகளை சூட வேண்டும்.

பின்னர் அதில் ஒரு மாலையை அணிந்து கொண்டால் 

எளிதில் திருமண பாக்கியம் கிட்டும் என்கிறார்கள்.

மகம் நட்சத்திரத்தில் பிறந்தவர்கள் 

இங்கு வழிபாடு செய்தால் 

வேண்டியது கிடைக்கும் என்பது நம்பிக்கை.

கருவுற்ற பெண்கள் சுகப்பிரசவத்திற்காக

 வளைகாப்பு நடத்தியும், 

நினைத்த காரியம் நிறைவேறவும் 

இத்தல இறைவனிடம் பிரார்த்தனை செய்கின்றனர்.

பிரார்த்தனைநிறைவேறியதும் சந்தனக்காப்பு, 

முடி காணிக்கை போன்ற நேர்த்திக்கடன் செய்கின்றனர்.

இத்தலத்தில் சிவபெருமான் 

நாவுக்கரசருக்குபாத தரிசனம் தந்தார். 

திருநாவுக்கரசர் திருச்சத்திமுற்றத்தில் 

இறைவன் தன்னுடைய திருப்பாதங்களைத் 

தன் தலைமேல் வைத்து அருளவேண்டும் என்று 

இறைவனிடம் பதிகம் பாடி வேண்டுகோள் வைத்தார். 

அவரின் வேண்டுகோளை திருநல்லூர் தலத்தில் 

இறைவன் நிறைவேற்றுகிறார்.

 தம் திருவடிகளை அப்பரின் தலைமீது 

இத்தலத்தில் சூட்டி அருளினார்.

 அப்பேறு பெற்ற திருநாவுக்கரசர்

 இறைவனை பதிகம் பாடி தொழுதார். 

இதன் காரணமாக பெருமாள் கோயிலைப்போல 

சிவன் பாதம் பொறித்த சடாரியை 

இத்தலத்தில் பக்தர்களுக்கு அன்று முதல்

 இங்கு பெருமாள் கோயிலைப்போல 

சடாரி வைக்கும் வழக்கம் ஏற்பட்டது

பாண்டவர்களின் தாய் குந்திதேவி, 

பஞ்சபூதங்களினால் குழந்தை பெற்றாள் 

என்பதால் அவளுக்கு தோஷம் ஏற்படுகிறது. 

இந்த தோஷம் நீங்க குந்தி தேவி 

நாரதரிடம் யோசனை கேட்கிறாள். 

ஏழு கடல்களில் நீராடினால் 

தோஷம் நீங்கும் என நாரதர் கூறினார்.

நான் பெண், 

என்னால் எப்படி ஏழு கடல்களில் சென்று நீராட முடியும். 

எனவே வேறு ஏதாவது வழி கூற வேண்டும், என்கிறாள் குந்தி.

அப்படியானால் கும்பகோணம் அருகிலுள்ள 

நல்லூர் சென்று கல்யாண சுந்தரேஸ்வரரை வழிபடு. 

அதற்குள் நான் வழி சொல்கிறேன் என்கிறார் நாரதர். 

குந்தி வழிபாடு செய்து வருவதற்குள்

நல்லூர் தலத்திலுள்ள குளத்தில்

ஏழு கடல்களின் நீரையும் நாரதர் சேர்த்து விடுகிறார்.

மகம் நட்சத்திரத்தில் பிறந்த குந்தி, 

தன் தோஷம் நீங்க நல்லூர் குளத்தில் நீராடுகிறாள்.

மகம் நட்சத்திரத்திற்குரிய கோயில் நல்லூர் என்றும், 

இக்குளத்தில் நீராடினால் 

கும்பகோணம் மகாமக குளத்தில் நீராடிய

பலன் கிடைக்கும் என்று புராணங்கள் கூறுகின்றன.

இதை மெய்ப்பிக்கும் வகையில் 

குந்தி சிவபூஜை செய்யும் சிற்பம் இங்கு இருக்கிறது.

சப்தசாகர தீர்த்தம் 

தினந்தோறும் காலை 8 மணி முதல் பகல் 1 மணி வரையிலும்,

 மாலை 4-30 மணி முதல் இரவு 8 மணி வரையிலும் திறந்திருக்கும்.




தஞ்சாவூர் - கும்பகோணம் பேருந்து சாலையில் உள்ள  

பாபநாசத்தை அடுத்து வரும் வாழைப்பழக்கடை என்ற 

ஊரில் இருந்து பிரியும் சாலையில்

 1 கி.மி. சென்றால் இத்தலத்தை அடையலாம்.

 தஞ்சாவூரில் இருந்து சுமார் 28 கி.மி. தொலைவிலும்,

 கும்பகோணத்தில் இருந்து சுமார் 15 கி.மி. தொலைவிலும் உள்ளது. 

பாபாநாசத்தில் இருந்து வாழைப்பழக்கடை வழியாக 

கோவிந்தக்குடி செல்லும் சாலையில் இத்தலம் உள்ளது.



பாபநாசம் - கும்பகோணம் தேசிய நெடுஞ்சாலையில்,

 பாபநாசத்தில் இருந்து வலங்கைமான் செல்லும் 

சாலையில் சுமார் 4 கிலோ மீட்டர் தொலைவில் உள்ளது. 

பாபநாசம், கும்பகோணம் செல்ல 

சென்னையிலிருந்து பேருந்து மற்றும் ரெயில் வசதி உள்ளது.

அருள்மிகு பஞ்சவர்ணேஸ்வரர் திருக்கோயில்

திருநல்லூர் கிராமம்

திருநல்லூர் அஞ்சல்

(வழி) சுந்தரப்பெருமாள் கோயில்

வலங்கைமான் வட்டம்

திருவாரூர் மாவட்டம்

PIN - 614208.

ஆலங்குடி- குரு ஸ்தலம்

நவக்கிரகங்களிலே மிகவும் சிறந்தவர் 

சுபக்கிரகம் குரு ஆவார். 

தேவர்களுக்கு ஆசான் 

இவர், அறிவு, ஞானம் இவற்றிற்கு மூலமாக விளங்குபவர். 

தனம், புத்திரபாக்கியம் ஆகிய இரண்டுக்கும் அதிபதி . 

நம் ஜாகத்தில் குரு பலமாக இருந்தால்

இந்த இரு யோகமும் தங்குதடையின்றி அமையும்.

குரு பகவானின் அம்சமாக தட்சிணாமூர்த்தி கருதப்படுகிறார். 

சிவபெருமானே தட்சிணாமூர்த்தி என்பது ஐதீகம்.

பிரம்மாவின் பேரர் ஆங்கீரச மகரிஷி. 

அவருடை மகனாகப் பிறந்தவர் ‘குரு’ என்று 

போற்றப்படும் வியாழபகவான்.

குரு  சூரியனைச் சுற்றிவர 

பன்னிரண்டு ஆண்டுகள் ஆகும்.

தமிழ்நாட்டில் குரு பரிகாரத்தலங்கள் பல உள்ளன.

இவற்றில் கும்பகோணம் அருகே உள்ள 

ஆலங்குடி குரு ஸ்தலமாகும். 

தஞ்சாவூர் மாவட்டம் திட்டை, 

மதுரை மாவட்டம் சோழவந்தான் அருகில் உள்ள குருவித்துறை,

சிவகங்கை மாவட்டம் காரைக்குடி அருகில் உள்ள பட்டமங்கலம் 

உள்ளிட்ட ஆலயங்களில் பரிகார பூஜைகள் செய்து வழிபடலாம்.

நவ திருப்பதிகளில் ஒன்றான 

ஆழ்வார் திருநகரி குரு ஸ்தலமாகும். 

அங்கும் வழிபாடு செய்யலாம். 

திருச்செந்தூரில் முருகப் பெருமான் 

குரு வடிவாகவே அருள்புரிகிறார்.

குரு, சுக்ரன் இரண்டும் ராஜ கிரகங்கள் என்பர்.

4வேதங்கள்,64கலைகள் அறிந்தவர்கள்.

குருவுக்கு உரிய நிவேதனப் பொருட்கள்

மஞ்சள் வஸ்திரம்

முல்லை மலர்கள்

கொண்டக்கடலை

சர்க்கரைப் பொங்கல்

குருவினால் உண்டாகும் பலன்கள்

செல்வம்,புகழ்,

குழந்தைபாக்கியம்,திருமணம் 

இந்த நான்கும் கிடைக்கும்.

ஆலங்குடி-

நவகிரகதலங்களில் குருவுக்குரியது 

ஆலங்குடி ஆபத்சகாயேஸ்வரர் கோவில். 

முதன்மையான குருபரிகாரத் தல ம்

இறைவர்- அருள்மிகு ஆபத்சகாயேஸ்வரர்

இறைவி --ஸ்ரீஏலவார் குழலி அம்மை

அருள்மிகு கலங்காமற் காத்த விநாயகர்

அருள்மிகு குரு தட்சினாமூர்த்தி 

சந்நிதிகளும் இருக்கிறது.

சுந்தரர் இத்தலத்திற்கு வரும்போது 

வெட்டாற்று வெள்ளப் பெருக்கில் 

ஆபத்சகாயரே ஓடக்காரராக வந்து 

கரையேற்றிக் காட்சிதந்தார் என்பது வரலாறு. 

ஓடம் நிலைதடுமாறிப் பாறையில் மோதியபோது

காத்தவிநாயகர் “கலங்காமல் காத்த பிள்ளையார்” 

என வழங்கப்படுகிறார்.

இங்கு குருவின் நேரடி தரிசனம் கிடையாது. 

தெட்சிணாமூர்த்தியே இங்கு குருவாய் இருந்து 

சனகாதி முனிவர்களுக்கு உபதேசிக்கிறார். 

இவரையே குருவாக கருதி வழிபடுகின்றனர்.

இங்குள்ள தட்சினாமூர்த்தி ஞானம் தரும் 

குருவாக அருள் பாலிக்கிறார்.

கருநிறமுள்ள பூளைச் செடியைத் 

தலவிருட்சமாகக் கொண்டுள்ளதால் 

“திருஇரும்பூளை” என்றும்,

ஆலமரத்தின் கீழிருந்து அறமுரைத்த 

பெருமானுக்குரிய தலமாதலாலும், 

திருப்பாற்கடலில் அமுதம் கடைந்தபோது 

தோன்றிய ஆலத்தை உண்டு 

அமரர்களைக் காத்தருளிய 

இறைவன் வீற்றிருப்பதாலும்“

ஆலங்குடி” என்று பெயர். 

இவ்வூரில் விஷத்தால் எவர்க்கும் 

எவ்விதத் தீங்கும் உண்டாவதில்லை 

என்று சொல்லப்படுகிறது.

விசுவாமித்திரர், அகத்தியர்,  ஆதி சங்கரர் 

வீரபத்திரர்  வழிபட்ட திருத் தலம்.  

திருநாவுக்கரசராலும், 

திருஞான சம்பந்தராலும் பாடப் பெற்றது,  

பஞ்சாரண்ய தலங்களில் ஒன்று. 

பார்வதி தேவி, விஷ்ணு,

லட்சுமி, இந்திரன் முதலான தேவர்கள் 

வழிபட்ட தலம் இது.

குரு பகவானுக்கு உரியவையும், பிரீத்தியானவையும் ராசி தனுசு, மீனம் திக்கு வடக்கு அதி தேவதை வியாழன் ப்ரத்யதி தேவதை இந்திரன் தலம் திருச்செந்தூர் , ஆலங்குடி வாகனம் அன்னம் நிறம் மஞ்சள்  உலோகம் தங்கம் தானியம் கடலை மலர் வெண்முல்லை வஸ்திரம் மஞ்சள் நிற ஆடைகள் ரத்தினம் புஷ்பராகம் நைவேத்யம் கடலைப் பொடி அன்னம் சமித்து அரசு

ஆலயம் ஊரின் நடுவே அழகாக, 

ஐந்து நிலைகள் கொண்ட 

ராஜகோபுரத்துடன் காட்சியளிக்கின்றது. 

உள்ளே நுழைந்ததும் அம்மன் சன்னதி.

அடுத்து சுவாமி சன்னதி. 

இதன் பிறகு குரு சன்னதி வரும். 

மாதா, பிதா, குரு என்ற அடிப்படையில் 

இக்கோயில் அமைந்திருப்பதாக கருதப்படுகிறது. 

உள்பிரகாரங்களில் கலங்காமல் காத்த விநாயகர், 

முருகன், லஷ்மி, நால்வர், சூரியேசர்,

சோமேசர், குருமோசேசுரர், சோமநாதர், 

சப்தரிஷிநாதர்,விஷ்ணு நாதர், 

பிரமேசர் ஆகிய சப்தலிங்கங்களோடு 

காசிவிசுவநாதர், விசாலாட்சி, அகத்தியர்  உள்ளனர். 

ஆக்ஞாகணபதி, சோமாஸ்கந்தர், 

பெரிய வடிவோடுகூடிய விநாயகர், 

சுப்பிரமணியர்,சண்டேஸ்வரர், 

கல்யாணசாஸ்தா, சப்த மாதாக்கள் 

முதலிய உற்சவமூர்த்தங்களும் உள்ளன. 

சபாநாதர் சந்நிதியில் திருமுறைக்கோயில் உள்ளது. 

உற்சவ தக்ஷிணாமூர்த்தி, 

சனகாதி நால்வருடன் காட்சிதருகின்றனர். 

சுவாமி மகாமண்டபத்தில் நந்தி,

பலிபீடம் செப்புத் திருமேனியுடன் உள்ளது. 

மகாமண்டப வாயிலில் துவகரபாலகர் உளர். 

ஆபத்சகாயர் கிழக்கு நோக்கிய சந்நிதி. 

இத்தலத்துச் சிறப்புடைய குரு தக்ஷிணாமூர்த்தி 

தெற்கு கோஷ்டத்திலுள்ளார். 

மேற்கில் இலிங்கோற்பவரும், 

வடக்கில் பிரம்மாவும், துர்க்கையும் உளர். 

“ஞான கூபம்” என்னும் தீர்த்தக் கிணறு உள்ளது.

சுக்கிரவார அம்மன் சந்நிதி, 

சனீஸ்வரர் சந்நிதி, 

வசந்த மண்டபம், 

சப்தமாதா ஆலயமும் உள்ளன. 

இத்தலத்தின் கிழக்கே “பூளைவள ஆறு” பாய்கிறது. 

ஐப்பசியில் இதன் தீர்த்தத்தைக் கொண்டு வந்து 

சுவாமிக்கு அபிஷேகம் செய்கிறார்கள்.

இக்கோயிலின் வெளியே தனிக்கோயிலில

பார்வதியின் தந்தையான தட்சன் 

சாபம் பெற்று ஆட்டுத்தலையுடன் காணலாம்.  

இது மிகவும் சிறிய சிலை. 

தற்போது சற்று சேதமடைந்தது போல் 

தெளிவற்ற உருவத்துடன் உள்ளது.

திருவாரூருக்கு ஒரு மன்னனால் எடுத்துச் செல்லப்பட்டு, 

அங்கிருக்க விரும்பாமல், 

ஒரு அர்ச்சகரின் உதவியோடு மீண்டும்


ஆலங்குடிக்கே திரும்பிய சுந்தரர் சிலை 

அற்புதமாக கோயிலுக்குள் இருக்கிறது. 

தெட்சிணாமூர்த்தி சன்னதியை ஒட்டி, 

உற்சவர் சிலைகள் இருக்குமிடத்தில்இருக்கிறது. 

இந்த சிலையை திருவாரூரில் இருந்து 

ஒளித்து எடுத்து வந்த அர்ச்சகர்,

காவலர்களிடம் இருந்து தப்பிக்க, 

அம்மை கண்ட தன் குழந்தையை 

எடுத்துச் செல்வதாக கூறினார். 

ஆலங்குடி வந்து பார்த்த போது 

சிலைக்கே அம்மை போட்டிருந்தது.

இப்போதும் அம்மைத் தழும்புகள் 

சிலையில் இருப்பதைக் காணலாம்.

சுக்ரவாரம்” என்றால் வெள்ளிக்கிழமை.

வெள்ளிக்கிழமை அம்மனுக்கு விசேஷம். 

அந்த வெள்ளியின் பெயரையே தாங்கி, 

தனி சன்னதி ஒன்றில் அழகே வடிவாக 

அம்பிகை அருள்பாலிக்கிறாள். 

இவளது பெயரும்“சுக்ரவார அம்பிகை” என்பதாகும்.

பிற நவக்கிரக தலங்களில் அந்தந்த கிரகங்கள் 

சிவ பெருமானை வழிபட்டு பேறு பெற்றிருக்கும் 

ஆனால் இங்கு சிவனே 

தட்சிணாமூர்த்தியாய் அருளுகிறார்.

காசியில் இறக்க நேர்ந்தால், 

காசி விஸ்வநாதர் இறப்பவரது காதில் 

இறக்கும் முன் " ராம நாமம் "

சொல்லி முக்தியடையச் செய்வதாக ஐதீகம். 

அது போல், இத் தலத்தில் ஈசன் " பஞ்சாட்சிர மந்திரம்

 உபதேசிப்பதாக நம்பிக்கை. 

பஞ்சாட்சிர மந்திரத்தை தொடர்ந்து ஜபிப்பவர்களை 

பூதம், பிரேதம், பைசாச, வேதாளம் 

போன்றவை நெருங்குவதில்லை. 

எல்லா விதமான நோய்களும்,

துனபங்களும் அகலும் என்கிறது " காசியாரண்ய மகாத்மியம் ".

குரு பகவானின் அருளாசி கிடைக்க 

ஆலங்குடி வந்து அவரை 24 தீபங்கள் ஏற்றி அர்ச்சித்து

24 முறை வலம் வர வேண்டும். 

வியாழக் கிழமைகள் தோறும் விரதம் இருப்பதாலும்,

தட்சிணா மூர்த்திக்கு அர்ச்சனை செய்வதாலும்

 குரு பார்வை கிடைக்கும். 
குருபெயர்ச்சி ஆராதனை, 

சித்திரைப் பௌர்ணமி விழா,

தைப்பூசம் பங்குனி உத்திரம். 

தக்ஷிணாமூர்த்திக்கு தேர்விழா நடைபெறுகிறது.

தட்சிணாமூர்த்தியை வியாழக்கிழமையில் வழிபடுவோர் 

எல்லா நலன்களும் பெறுவர். 

நாகதோஷ முடையவர்கள் 

இத்தலத்தை வழிபட்டு தோஷம் நீங்கப் பெறுகின்றனர். 

தெட்சிணாமூர்த்தி உற்சவராக 

தேரில் பவனி வருவது தமிழகத்திலேயே இங்கு மட்டும்தான்.

கோவில் திறப்பு நேரம்-

காலை 6 மணி முதல் 11 மணி வரை, 

மாலை 4 மணி முதல் இரவு 8.30 மணி வரை. 


அருள்மிகு ஆபத்சகாயேஸ்வரர் திருக்கோயில்,

ஆலங்குடி, 

கும்பகோணம் வட்டம், 

தஞ்சாவூர் மாவட்டம்.

திருவாரூரிலிருந்து 30கி.மி தூரத்திலும்,

கும்பகோணத்தில் இருந்து 

மன்னார்குடி செல்லும்

சாலையில் 17கி. மீ தொலைவில் உள்ளது.

போன் -- 0437-4269407


குரு ஸ்லோகம்---

குணமிகு வியாழ குருபகவானே 
மணமுடன் வாழ மகிழ்வுடன் அருள்வாய் 
பிரகஸ்பதி வியாழப் பரகுரு நேசா 
கிரக தோஷமின்றி காத்தருள்வாயே 

குரு காயத்ரி மந்திரம்

ஓம் வ்ருஷபத் வஜாய வித்மஹே

க்ருணி ஹஸ்தாய தீமஹி


தந்நோ குரு ப்ரசோதயாத்

வியாழக்கிழமைகளில் இந்த 

குரு ஸ்லோகத்தில் சொல்லிவந்தால் 

குருவின் அருள் கிடைக்கும்.

நாகதோஷம் நீங்கவும்,

 பயம், குழப்பம் நீங்கவும் 

இங்குள்ள விநாயகரையும், 

திருமணத்தடை நீங்கவும்,

கல்வி, கேள்விகளில் சிறந்து விளங்கவும் 

இங்கு பிரார்த்தனை செய்கின்றனர்.

ஆலங்குடி கோயிலில் ஒவ்வொரு ஆண்டும் 

மாசி மாத வியாழக்கிழமையில் மட்டுமே 

குரு பகவானுக்கு சிறப்பு அபிஷேகம் நடக்கும். 

ஒரு காலத்தில் பாசிபடியாத தாலிக்கயிறை கூட 

மாசியில் மாற்றி விடுவார்களாம் பெண்கள். 

குரு பலம் இருப்பவர்களுக்கு 

மாங்கல்ய பாக்கியம் நீண்டகாலம் நிலைத்திருக்கும். 

அந்த குரு பகவானுக்கு மாசியில் அபிஷேகம் நடப்பது சிறப்பு. 

குரு பெயர்ச்சி நாளை விட 

இந்த நாள் விசேஷ சக்தி வாய்ந்த நாளாக கருதப்படுகிறது.